iPhone X hər nə qədər son dönəmin ən çox səs gətirən smartfonu adını alsada, ortaya çıxan satış göstəricilərindən razı qalmayan Apple-ın iPhone X istehsalını dayandırmağı planlaşdırdığını büruzə verir.

AppleInsider tərəfindən verilən xəbər görə, Apple ilə bağlı iddialarında özünü doğrultmuş olan KGI Securities-in analisti Ming-Chi Kuo satışların gözlənildiyi kimi olmadığından yaz aylarında istehsalın dayandırılacağını iddia edir. Son 3 ildə bazar payı azalan Apple üçün bu kritik bir addımdır. Əgər iddialar doğru olarsa Apple iPhone 5C-dən sonra ikinci dəfə bir iPhone modelinin istehsalını dayandırmış olacaq.
Bu qərarın verilməsinə əsas səbəb Çin-dəki satışların az olması göstərilir. Çin bazarında böyük ekranlı telefonlara marağın çox olduğunu bildirən Kuo, iPhone X-ın quruluşunu istifadəçilərin bəyənmədiyini ifadə edir.
Əlavə olaraq Kuo, daha ucuz olan iPhone 8 Plus-ın bir çox istifadəçi tərəfindən daha yaxşı bir seçim olduğunu bildirir.
Araşdırma şirkəti olan Cowen isə iPhone X modelinə olan marağın bugünə kimi ən aşağı səviyyəyə düşdüyünü açıqlayıb.

Apple satışlarında ciddi bir artım olmamasının səbəbi isə iPhone 8, iPhone 8 Plus və iPhone X olmaqla eyni vaxtda üç yeni smartfonu satışa çıxarılması göstərilir.

---