Xiaomi şirkəti rəsmi olaraq özünün yeni Poco adlı subbrendi adı altında ilk smartfon modelinin təqdmat tarixini açıqladı. Twitter-də paylaşılmış posterə əsasən Pocophone F1 smartfonu 22 Avqust tarixində təqdim olunacaq. Təqdimat tədbiri isə Hindistanın Nyu-Dehli şəhərində baş tutacaq.
Teach.az technote.az-a istinadən bildirir ki, Pocophone F1 smartfon modeli Xiaomi şirkətinin nisbətən aşağı qiymət göstəricili flaqman cihazı olmalıdır. Məlumata əsasən smartfon 5.99 inç Full HD+ keyfiyyətli ekran, 8 nüvəli Snapdragon 845 prosessoru, 6 GB RAM, 128 GB daxili yaddaş, ikili arxa kamera və 4000 mAh enerji tutumlu batareya ilə təchiz olunacaq. Çox güman ki, Poco subbrendi öz ilk smartfon modelini OnePlus 6-nın rəqibi kimi qələmə verəcək.

---