Kantar və WPP, dünyanın ən qiymətli 100 markasının iştirak etdiyi 'BrandZ Top 100 Global Brands 2018' hesabatını təqdim edib. Hesabatda iştirak edən 100 şirkətin ümumi dəyəri ötən ilə görə 21%-lik bir artım göstərərək 4.4 trilyon dollara çatıb.

Teach.az xəbər verir ki, siyahının başında keçdiyimiz il olduğu kimi Google və Apple var. Siyahının birinci sırasındakı Google, 23% dəyər artımı ilə 302.1 milyard dollarlıq dəyərə çatarkən, Apple, dəyərini 28% artıraraq 300.6 milyard dollara çatmağı bacarıb.

Siyahıdakı diqqət çəkici bir detal, ilk dəfə iki Çinli şirkətin birdən dünyanın ən qiymətli 10 şirkəti arasına girə bilməsi olub. Tencent, siyahının 5-ci sırasında özünə yer taparkən, Alibaba da ilk 10-a daxil olmağı bacarıb.

Bir digər ilk isə Amerika mərkəzli olmayan şirkətlərin, Amerika mərkəzli şirkətlərdən daha sürətli böyüməsi olub. Amerika mərkəzli şirkətlər ortalama 19% böyümə qeyd edərkən, Amerika mərkəzli olmayan şirkətlər 24% böyüyüb.

Ötən ilə görə ən çox böyümə reallaşdıran şirkətlər, Amazon və Tencent kimi müştərilərini işlərinin mərkəzinə qoyan şirkətlər olub. Ayrıca siyahıda iştirak edən Alibaba da 92%-lik illik böyümə ilə diqqətləri üzərinə çəkib.

Dünyanın ən qiymətli 10 şirkəti:

1.Google
2.Apple
3.Amazon
4.Microsoft
5.Tencent
6.Facebook
7.Visa
8.McDonald’s
9.Alibaba
10.AT&T

Fira

---