Çinin Şandun əyalətinin Tzinan şəhərində yol hərəkəti qaydalarını izləyəcək və idarəetmə zamanı mobil telefon və planşetlərdən istifadə kimi pozuntuları qeydə alacaq 4 multikopter rəsmən fəaliyyətə başlayıb.

Teach.az Milli.Az-a istinadən bildirir ki, pilotsuz uçan aparatlar fəaliyyətə başladıqdan yarım saat sonra idarəetmə zamanı 5 mobil telefondan istifadə hadisəsi qeydə alınıb.

Tzinan yol polisi bölməsinin əməkdaşı Vey Tzilyan bildirib ki, layihə üçün eksperimental fəaliyyəti 3 ay davam edəcək polis xidmətinin xüsusi aviasiya dəstəsi yaradılıb. Onun sözlərinə görə, pilotsuz uçan aparatlar vasitəsilə çəkilən qanun pozuntularının şəkilləri sübutların toplanması ilə bağlı problemi effektiv həll edə bilər.

---