ABŞ-ın Nyu-Cersi ştatında yaşayan Emma Kotillard keçən ilin may ayında həyat yoldaşı Castin Kotillardı itirib. Kotillard həyat yoldaşını itirdikdən sonra baxdığı toy fotolarında çaşdırıcı bir detalla qarşılaşıb.

Yoldaşını itirən qadın acı gerçəyi 1 il sonra fərq etdi

33 yaşlı qadın "Castin evlənməmişdən əvvəl də qəribə davranırdı, amma bunu toy stressi sanırdıq" , - deyib.

Həkimlərin da həyat yoldaşı Castinin beynində şiş olduğunu anlaya bilmədiklərini yazan Kotillard xərçəng diaqnozu qoyulduqdan sonra iki il ömrü olduğunu söylədikləri Castini daha qısa bir müddətdə itirdiklərini söyləyib.

Emma Kotillard Castinin bir problemi olduğunu ilk dəfə bal ayında anladığını qeyd edib. Çünki Castin 7 aylıq hamilə arvadı Emmanı tanımayaraq onu bir əcnəbi şəxs hesab edib.

Daha sonra müayinə zamanı beynində şiş olduğu təsbit edilən Castin Kotillard keçən ilin may ayında dünyasını dəyişib.

30 yaşlı həyat yoldaşını itirən Emma isə toy fotolarına baxanda dəhşətverici bir gerçəklə qarşılaşıb.

Toy fotolarında həyat yoldaşının sifətinin sağ hissəsinin daha çökük olduğunu fərq edən Emma ​​yoldaşının başına gələnləri sosial şəbəkədə bölüşüb.

İnsanları mövzu barədə daha həssas olmağa çağıran qadın gənc dullar üçün dəstək qrupu yaradır.(publika)

---