"Amazon" "PillPack" onlayn-aptekini alıb. Bununla internet-riteyler dərmanların satışıyla da məşğul olacaq.
Teach.az facemark.az-a istinadən bildirir ki, bu barədə şirkətin açıqlamasında deyilib. "Bloomberg" isə daxili mənbələrinə istinadən xəbər verir ki, tərəflər arasında baş tutan razılaşmanın həcmi 1 milyard dollara çata bilər.

Tərəflər 2018-ci ilin ikinci yarısında sazişi bağlamağı planlaşdırırlar, hazırda isə tənzimləyici tərəfindən razılıq gözlənilir. Nəşrin xəbərində qeyd edilir ki, "PillPack"in əsas müştəriləri hər gün preparat qəbul edən və xroniki xəstəlikdən əziyyət çəkən xəstələrdir.

Qeyd edək ki, "PillPack" dərmanları öncədən dozaları üzrə çeşidləyir və onları "qapıya qədər" çatdırır.

---