"Daha yaşamaq istəmirəm, həyatımı bitirmək şansım olduğu üçün çox xoşbəxtəm". Məlumata görə, bu sözləri Avstraliyanın 104 yaşlı alimi Devid Quddel deyib.

O, İsveçrədə evtanaziya vasitəsilə həyatına son qoyub. Ölümündən qabaq isə jurnalistləri toplayaraq bu barədə konfrans keçirib: "Hər bir insanın ölüm seçimi azad olmalıdır. Mən bütün fiziki bacarıqlarımı 1-2 il qabaq itirmişəm, 6 ildir ki, gözlərim görmür. Həyatıma son qoya bilmək şansım olduğu üçün özümü xoşbəxt hesab edirəm".



Qeyd edək ki, Avstraliyada evtanaziya ölümcül xəstəlik halı istisna edilməklə, qadağan olunub. Devid Qudellin ölümü ilə əlaqədar könüllülər İsveçrəyə gedərək alimin evtanaziya etdirməsi üçün 15 min ABŞ dolları toplayıb.



Devid Quddel uzun illər ekologiya və botanika sahəsində çalışıb. O, yüzdən çox elmi məqalənin müəllifidir. Həmçinin Avstraliyada evtanaziyanın qanuniləşdirilməsi üçün fəal şəkildə mübarizə aparanlardan olub.

Teach.az (mənbə-lent.az)

---