ABŞ-da şəhər hökumətinin kompüter sistemlərinə haker hücumları mütəmadi hal alıb.

Milli.Az lent.az-a istinadən xəbər verir ki, bu barədə "The Wall Street Journal" nəşri öz mənbələrinə istinadən məlumat yayıb.

Nəşrin məlumatına görə, hakerlər şəhər administrasiyalarının və müxtəlif təşkilatların kompüter sistemlərini viruslarla yoluxdurur və bununla da kompüterlər bloklanır. Sonradan isə onlar blokun açılması üçün müəyyən həcmdə vəsaitin köçürülməsini tələb edirlər.

Daha çox hücumlar kiçik şəhərlərin kompüter sistemlərinə həyata keçirilir. Hakerlər hədəf olaraq kiçik şəhərlərin administrasiyalarını götürüblər ki, onlar da bir o qədər etibarlı müdafiə olunmurlar.

---